Bisan pa sa nasinating pandemiya sa Covid-15, ang espiritu sa masinati gihapon sama sa pagpabarog sa taas nga Christmas tree sa atubangang bahin sa Lapu-Lapu City Hall.
Ang seremonyas sa pagpasige sa 30-ka-tiil nga Christmas tree gipahigayon gabii sa Disyembre 1, 2020.
Ang Christmas tree gidayan-ayanan og moabot sa 500 ka mga parol nga kolor asul ug puwa nga binuhat sa mga binilanggo sa Lapu-Lapu City Jail.
Ang 500 ka mga parol nagsimbolo usab sa ika-500 ka tuig nga kasumaran sa pag-abot sa Kristiyanismo sa nasod, diin dinhi sa pagsugod sa Sugbo dihang niabot ang mga Espanyol nga kolonyalista sa pangulo ni Fedinand Magellan, kinsa napatay ni Lapu-Lapu sa away sa Mactan.
Gibutyag ni Lapu-Lapu City Mayor Junard Chan nga iyang nahunahunaan nga mopalit og parol sa mga piniriso sanglit mihangyo usab sila kaniya aron dunay pang noche buena.
Susama usab ang iyang awhag sa mga Oponganon nga suportaan ang maong produkto sa mga inmates isip usab tabang ngadto kanila ug sa ilang pamilya.
“Giving hope to our jail inmates by giving them a second chance in life, hope for the tourism industry to bounce back, hope for a Covid-free Lapu-Lapu, hope for a prosperous life for every Oponganon,” matod ni Chan.
Uban sa mayor nga mitambong sa kalihukan mao sila si First Lady Cindi King-Chan, Bise Mayor Celsi Sitoy ug mga konsehal.
Human sa hamubong programa, gihimo ang fireworks display. / GCM