ADUNAY 5,000 ka Angkas drivers sa Sugbo ang maapektuhan kon ipahunong ang operasyon niini.
Ang Korte Suprema niadtong Disyembre 12 niluwat og temporary restraining order sa hukom sa lower court nga nagtugot sa operasyon sa Angkas.
Si George Reyoca, Angkas head sa Regulatory and Public Affairs sa usa ka phone interview, niingon nga padayon gihapon ang ilang operasyon ug malaumon sila nga paboran sa Korte Suprema.
“We still continue to operate. We have an ongoing case in the court which have not yet been resolved. We are hopeful that the Supreme Court will rule in our favor,” dugang pa ni Reyoca.
Ang maong problema ilang gi aksyonan pinaagi sa ilang pag-coordinate sa local government units (LGU) ug sa national agency.
“Naghihintay lang po kami nang abiso nila kung ano ba talaga yung gagawin namin,” dugang niya.
Matod ni Royeca, ang korte suprema nangayo sa ilang mga komento bahin ani nga isyu.
“Supreme court asked for our comments. We’ll be filing our comments on Monday, so that the Supreme Court can hear our comments, and we hope that they will rule favorably for the Filipino riding public,” dugang ni Reyoca.
Nibutyag sab si Royeca nga daghan ang maapektuhan nga drivers tungod kay kasagaran nila mao lang gisaligan nga pangita.
Si Reyoca niingon nga tungod sa Angkas daghan ang aduna na’y trabaho sa legal na pamaagi ug uban niini ming resign mismo sa ilang niaging trabaho para lang mag Angkas driver.
Adunay 25,000 ka Angkas driver sa tibuok nasod, kasagaran niini mao ra ang nag-inusarang gisaligan sa ilang pang adlaw-adlaw nga pagpanginabuhi.
Sa laing bahin, dili angay mabalaka ang mga drivers tungod kay andam motabang ang Angkas hangtod sa ilahang makaya ngadto sa ilang mga miyembro kon magsugod na og pangdakop ang LTO ug LTFRB.
“We’ve been always supportive of the angkas community, especially our biker partners, we will always support them as long as sumusunod sila sa batas, basta nasa batas at kaya po naming tulungan bibigay po namin lahat nang tulong na mabibigay namin,” subay ni Royeca
Kagahapon, ang hiniusang personnel sa Land Transportation Office (LTO) ug Highway Patrol Group (HPG) 7 nanakop na og sugod sa mga habalhabal driver ug Angkas drivers sa may Plaza Independencia sa dakbayan sa Sugbo.
Gipangsakmit ang mga motorsiklo.
Gitawgan sa makadaghan sa Superbalita Cebu ang HPG, apan way manubag.
Di klaro ang tubag ni Royeca bahin sa pangutana kon aduna na ba silay provisional franchise sa ilang operasyon sa Sugbo.
“We’re waiting for the response of the Supreme Court. We’re working closely with the LGU’s, also we have an open dialogue with national agency. Naghihintay lang po kami nang abiso kung ano ba talaga yung gagawin namin,” matod niya.
(Kiziah Marie Suello, Angelo Seismundo, Jr., USJ-R Interns / Reporter)