Gitahan sa management sa usa ka building ang 60 ka mga armas ngadto sa Waterfront Police Station alang sa safe keeping human gibilin kini sa kanhi opisina sa usa ka security agency.
Ang mga armas naglangkob sa 15 ka shotguns, 39 ka .38 kalibre nga revolver ug unom ka .22 kalibre nga revolver nga gipanag-iya sa usa ka security agency nga nag-abang sa edipisyo apan nanirado na tungod sa epekto sa pandemiya.
Matod ni Police Lieutenant Colonel Albert Quilitorio, hepe sa Police Community Relations sa Cebu City Police Office, nga nagpatabang sa kapulisan ang management sa building human masuta nga duna pay daghang mga armas nga gibilin sa security agency.
Kasamtangan nga gikustodiya sa kapulisan ang mga armas ug mamahimo pa kini nga makuha pagbalik sa security agency kon dunay saktong papeles niini.