PALO, LEYTE - Mokabat sa 9 ka drug personalities ang nasikop sa kapulisan sa Eastern Visayas sulod sa 48 oras.
Ang Leyte Police Provincial Office (LPPO) nakasikop og 8 ka drug personalities.
Ang 8 mao sila si Emil Flor, 22; Arles Olmedoy, 19; Carl Manuel Liscondra, 28; Edgar Decano, 40; Roberto Labides, 46; Jonathan Nabaja, 25; Ross Huxleigh Andrade, 25 ug Victor Moreno, 23.
Samtang sa Northern Samar Police Provincial Office (NSPPO) nasikop sa buy-ust operation ang usa ka Marlon Ebias, 24, taga Laoang, Northern Samar.
Sa kinatibuk-an, nasakmit sa kapulisan ang 37 ka pakete sa gituhoang shabu, 5 ka pakete nga dunay marijuana, drug paraphernalia, marked money, cellphones ug motorsiklo.
Nasikop ang mga drug personalities sa managlahi nga operasyon lukop rehiyon.
Sa miaging adlaw, nasikop usa sa Philippine Drug Enforcement Agency (PDEA) 8 ug kapulisan sa Naval, Biliran ang usa ka high value target drug pusher.
Giila ang suspek nga si Joseph Bornillo, 48, taga Sto. Rosario, Naval, Biliran.
Nasakmit gikan kang Bornillo ang 3 ka pakete sa gituhoang shabu nga nagkantidad og P3,500.
Matod ni Police Regional Office (PRO) 8 Director Dionardo Carlos, di sila mo hunong paggukod sa mga drug personalities isip pagtuman sa mando ni Presidente Rodrigo Duterte.