Almendras: Stickers sa mga motor, sakyanan tangtanga

Almendras: Stickers sa mga motor, sakyanan tangtanga

Tangtanga gikan sa mga motorsiklo ug uban pang mga sakyanan nga dili awtorisado ang mga sticker o mga selyo nga iya sa Siyudad sa Lapu-Lapu, kay kon di, mag-atubang og mga silot.

Kini maoy pasidaan ni Lapu-Lapu City Administrator Danilo Almendras ngadto sa tanang mga opisyal ug empleyado sa Kagamhanan sa Dakbayan sa Lapu-Lapu human namatikdan ang pipila ka mga personnel nga ninggamit sa mga selyo sa siyudad nga gipapilit sa ilang mga sakyanan.

Si Almendras nipagawas og memorandum kalabot niini ngadto sa tanang mga opisyal, empleyado, ug uban pang personel sa dakbayan niadtong Miyerkules, Marso 2, 2023.

Ang memorandum gipagawas duha ka semana human giaprobahan sa City Council niadtong Pebrero 15 ang Ordinansa 16-080-2023, “An Ordinance Prescribing the Use of the Official Seal of the City Of Lapu-Lapu and for Other Purposes.”

“It has been observed that many employees/personnel of the City of Lapu-Lapu have stickers/stamps of the Seal of the City of Lapu-Lapu affixed on their motorcycles and other vehicles without the authority of the Mayor prescribed in the aforementioned ordinance,” matud ni Almendras.

Matud niya nga kinahanglan nilang tangtangon ang maong mga sticker aron malikayan ang silot.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph