Usa ka amahan giluba-patay sa iyang bayaw nga kainom sa Sitio Tangasan, Brgy. Valladolid, dakbayan sa Carcar, alas 7:00 sa gabii niadtong Sabado, Hunyo 19.
Ang biktima mao si Angel Barbadillo Cruz, 42, dunay kapuyo ug nagpuyo sa Sitio Bolbolan, Guadalupe, Carcar.
Ang suspek, igsuon sa kapuyo sa biktima, nga si Paul Harold Lapinid Sandoy, 51, minyo ug nagpuyo sa nahisgutang lugar, nasikop sa alas 10:30 sa gabii sa samang adlaw.
Si Police Corporal Argie Noel Espinosa sa Carcar Police Station nga nahinabi sa Superbalita Cebu, nagkanayon nga ang biktima ug ang suspetsado nag-inom sa wala pa ang insidente.
Dihang nangahubog na ang duha, sila nagkalalis.
Ang suspek nikuhag sipul nga pangtabas sa paghimog sapatos ug gihansak kini sa tiyan ug tuong bahin sa lawas sa biktima hinungdan sa kamatayon niini. (GPL)