ALBURQUERQUE, BOHOL - Patay ang usa ka 36-anyos nga lalake human giingong giunay pagdunggab sa iyang hubog nga amahan gawas sa ilang balay sa Brgy. San Agustin, lungsod sa Alburquerque niadtong Dominggo sa gabii.
Giila ang biktima nga si Victim Dindo Rampola, samtang ang gitumbok nga suspek mao ang iyang amahan nga si Dario Rampola, 59.
Sa pakisusi sa kapulisan, nasayran nga nagsugod ang insidente tungod sa panag-away nga miresulta sa pag-unay pagdunggab sa suspek iyang anak gamit ang hait nga hinagiban.
Dugang sa kapulisan nga sa wa pa nahitabo, nagkadungan pa og tagay ang duha didto sa ilang silingan.
Gideklarar nga dead-on-arrival ang biktima nga gidala sa tambalanan gumikan sa mga samad nga naangkon niini sa dughan ug sa tiyan nga bahin. (LRB)