USA ka 18-anyos nga lalake nga anak og mga lab-asera og isda sa lungsod sa Malabuyoc ang midaog nga bag-ong presidente sa Sangguniang Kabataan (SK) Federation sa lalawigan sa Sugbo kagahapon sa gipahigayong piniliay sa Golden Prince Hotel & Suites.
Si Jeriko Rubio, nidaog nga presidente sa SK federation sa Malabuyoc, nipilde ni Charice Managaytay sa lungsod sa Pinamungajan pinaagi sa 35 botos. 16 ka mga botos ang nakuha ni Managaytay.
Si Rubio, chairman sa SK sa Barangay Sto. NiƱo, Malabuyoc, pag-umangkon sa kasamtangan nga kapitan sa barangay ug napilde nga kandidato sa pagka mayor sa miaging presidential elections nga si Erlinda Piedad.
Si Rubio maoy ikatulong ex-officio nga miyembro sa Sangguniang Panlalawigan sa Sugbo sugod sa Hulyo 1.
Apil sa nakadaog sa piniliay kagahapon si Ian Arioja sa lungsod sa Compostela isip bise presidente. (SCG)