ABSENT without leave (Awol) nga pulis nasikop sa tigbakayan uban sa laing lima ka sugarol niadtong Miyerkules sa Purok 1 Bayabas, Poblacion, lungsod sa Compostela.
Wa kadagan ang AWOL nga si Nick Arthur Rebecca, 33, ulitawo ug taga Brgy. Sta. Felomina, Dipolog City, Zamboanga del Norte, kasamtangang nagpuyo sa Poblacion sa Compostela.
Si Patrick Jagmoc ,40, ulitawo, Brgy Sambah 2, dakbayan sa Sugbo; Carlos Bobo, 54, Brgy. Cabadiangan, Compostela; Marcial Mancao, 65, taga Cogon Compostela; Emerito Duran, 59, taga Poblacion, Compostela, Rodulfo Bughao, 51, taga Poblacion Compostela.
Si Captain Vincent Zozobrado, hepe sa Compostela police, niingon nga nakadawat silag tawag sa telepono nga dunay tigbakay sa dapit ug pag-abot nila, nagkatibuwagsa ang mga sugarol, apan nahuptan ang unom ka tawo, usa nila nagpailang pulis pero nasuta nha AWOL. (GPL)