Usa ka babaye nga naglingkod daplin sa karsada gipusil-patay sa duha ka wa mailhing mga lalaki nga nagsakay og motorsiklo alas 3 sa hapon sa Purok Cogon, Barangay San Vicente, lungsod sa Liloan, amihanan sa Sugbo.
Si Staff Sergeant Raymund Ermita, imbestigador sa naasoy nga kaso sa Liloan Police Station, ubos sa superbisyon sa hepe nga si Maj. Eric Gingoyon, niila sa biktima nga si Cristina Pepito, hamtong, nagpuyo sa dapit.
Ang mga mamumuno daling nisibat human sa pagpamusil sa wala matino nga direksyon, sumala sa kapulisan.
Matod ni Ermita, nagpadayon pa ang ilang imbestigasyon sa pagkakaron bahin sa motibo sa pagpatay. / DVG