CALBAYOG City, Samar - Usa ka dentistang babaye ang gipusil patay sa P-2, Barangay Rawis, Calbayog City, Samar, niadtong Lunes, Abril 15, 2019.
Giila ang biktima nga si Vicky Rumohr, 72, nagpuyo sa nahisgutang lugar.
Base sa inisyal nga imbestigasyon sa kapulisan sa Calbayog, sakay sa iyang pick up nga Estrada color Gray (HBC 576) ang biktima nga nag-biyahe sa Magsaysay Boulevard pa-uli na unta sa iyang pinuy-anan.
Pag abot sa may STI Colleges, gipamusil sa makadaghan nga higayon ang biktima sa wa mailhing gunman. Na-igo ang biktima sa iyang nawong hinungdan sa iyang kamatayon.
Nakamaneho pa og mga 100 metros ang biktima taliwala sa iyang samad hangtod nga nakabsan sa kinabuhi.
Padayon pa ang imbestigasyon sa kapulisan sa insidente ingon man ang pagsuta sa motibo ug ang pag-ila sa mamumuno. (B)