Ang bag-ong niasumer nga hepe sa Philippine National Police (PNP) nga si General Benjamin Acorda Jr. nibarog sa Martes, Abril 25, 2023, nga mas daghan pa ang “maayo” nga mga polis kay sa mga dautan.
“I was assigned as the counter-intelligence chief, kokonti lang yang mga nakalista diyan (na tiwaling pulis) and I do believe based on the statistics na nakita ko, malayong-malayo (ang difference) marami ang mas mabubuting pulis and I want the people to know that being the chief of the counter-intelligence. Kokonti lang sila,” matod ni Acorda sa iyang unang media briefing human sa iyang unang first command conference sa Camp Crame.
“I also want to take this opportunity -- napapansin ko sa counter intelligence ‘yung kasabihan nga wala na gihapon ang mga mabubuting tawo for the evil to succeed. Baliktarin natin. Let us do good things para mapildi ang dautan ang gusto nako maencourage sa atong kapulisan,” dugang pa niya.
Si Acorda mao ang kanhi direktor sa PNP Integrity Monitoring and Enforcement Group, nga maoy nag-unang responsable sa pagpahigayon og mga operasyon batok sa hiwi nga mga polis.
Ang police chief niingon nga bisan siya kusganon nga nagtuo nga ang nakasala nga mga polis kinahanglan nga silutan ug badlungon, kini kinahanglan nga dili ipahibalo sa publiko, tungod kay mahimong mawala ang pagtahod sa publiko sa kapulisan.
“Kung nanay or kung tatay ka kung paluin mo (ang anak mo), huwag naman na ipahiya mo sa buong bayan na ‘yung anak mo ay nagkakalat pero kailangan paluin. Kung kailangan ipakulong, ipakulong natin whether he is a family member but what is good [about] our family ipamalita natin, let the people know,” matod niya.
Si Acorda maoy nangulo sa PNP taliwala sa mga kontrobersiya nga giatubang niini sa giingong pagkalambigit sa pipila ka mga polis, apil na ang mga tag-as nga opisyal, sa illegal drug trade.
Una nang gihinganlan ni Interior and Local Government Secretary Benhur Abalos Jr.. ang daghang police officers ug officials nga giingong nalambigit sa gituohang lapad nga cover-up sa usa ka drug operation nga nisangko sa pagkasikop sa gitaktak nga si police Master Sergeant Rodolfo Mayo Jr. ug pagkasakmit sa kapin usa ka tonelada nga methamphetamine hydrochloride (shabu).
Si Acorda nisaad nga ubos sa iyang pamunoan, ang PNP mahimong agresibo sa pakigbatok sa ilegal nga drugas, kriminalidad ug internal cleansing, ug kini mabati sa publiko sa ilang mga komunidad.
Nanawagan usab siya alang sa usa ka hiniusang serbisyo nga nakaangkla sa panawagan sa administrasyon alang sa panaghiusa ug pagpalig-on sa nasod. (TPM sa SunStar Philippines)