Balaod batok plastic bags sa Danao moepekto karon

(Pixabay Photo)
(Pixabay Photo)

Sugod karong adlawa, Hunyo 1, 2023, gidili na ang paggamit og plastic bags sa dakbayan sa Danao.

Gipahinumdoman sa Kagamhanan sa Siyudad ang mga magpapatigayon ug mga establisimento sa lugar nga magtimaan sa mando nga giluwatan, Executive Order No. 26, ni Mayor Thomas Mark Durano nga gipaluyohan sa Ordinance No. 38-15 sa Konseho sa Siyudad.

Ang masakpan nga mosupak pamultahon og P5,000 o pagkapriso sud sa unom ka buwan ug ang pagkanselar sa license to operate sa business establishment sa third offense, P2,000 sa ikaduha, samtang multa nga P1,000 sa unang offense.

Sa giluwatang mando, giawhag ang mga residente ug mga bisita sa paggamit na sa eco-bags, woven bags, cloth bags o paper bags ug isip pag promote sa “Bring Your Own Bag” program sa Siyudad.

“The order was promulgated to protect the environment and maintain ecological balance within the city’s territorial jurisdiction, particularly in its creeks, rivers, and other waterways, where non-biodegradable plastic materials often end up, causing harm to the river and its surrounding barangays,” asoy sa mando.

Ang mando duna hinuoy exemption sa mga tindahan nga namaligya og wet goods, sama sa isda, karne ug uban pa.

Alang sa mga plastic bag nga iglalabay, dili na apilon sa koleksyon sa non-biodegradable wastes o dili malata. Kinahanglan nga ang mga plastic nga basura limpyuhan una ihatod ngadto sa tagsa-tagsa niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph