Balaudnon sa regular nga sweldo sa barangay officials gisuportahan

File photo
File photo

Suportado sa Cebu City Council ang House Bill nga maghatag og fixed salary ug insurance sa mga barangay official ug pagdeklarar kanila isip regular nga mga kawani sa gobyerno.

Si City Councilor Rey Gealon sa south district maoy niduso og resolution aron paluyohan ang House Bill Number 502 nilang Rep. Edvic G. Yap, Eric G. Yap, Paolo Z. Duterte, Jocelyn P. Tulfo ug Jeffrey Soriano, kinsa maoy niduso sa “Barangay Officials Salaries and Insurance Act” sa House of Representatives.

Ubos sa balaudnon, ang mga barangay kapitan makadawat og sweldo tumbas sa 80 porsiyento sa madawat sa konsehal sa siyudad o lungsod samtang ang mga barangay kagawad makadawat tumbas sa 65 porsiyento sa sweldo sa konsehal sa siyudad o lungsod depende sa local government unit (LDU) diin sila nahisakop.

Si Gealon nagkanayon nga iyang pangulohan ang pagsuporta sa HB 502 sanglit ang barangay ilawom sa Local Government Code of 1991, maoy basic political unit, maoy mag-una sa pagplano ug pagpatuman sa polisiya sa gobyerno, sa ilang programa, proyekto ug ubang kalihukan sa komunidad ug maoy mag-una sa paghusay kon adunay kagubot o panag-away nga motumaw.

“The barangay serves as the office of first resort of the people and Barangay Officials are expected to address a number of issues apart from their regular duties and responsibilities,” tipik sa resolution ni Gealon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph