Bana gitigbas sa asawa

BACLAYON, BOHOL — Boluntaryong mitahan sa iyang kaugalingon ang usa ka asawa human giingong giunay pagtigbas patay ang iyang bana sa makadaghang higayon gamit ang sundang niadtong Sabado sa gabii didto sa Brgy. Dasitam, Baclayon.

Giila ang biktima nga si Nicodemus Peguit, 59 samtang ang suspek mao ang iysang asawa nga si Sixta Peguit, 65.

Sa pakisusi sa kapulisan, nasayran nga giingong wa na makaagwanta ang suspek sa dugay na nga pagpanagmal sa biktima ngadto kaniya.

Niadtong gabhiona, padung na mangatug ang duha dihang nagkabingkil nga miresulta sa pagkuha sa suspek og sundang sa ilang kusina ug gitigbas ang biktima sa suspek. LRB