Gibisita ni Presidente Rodrigo Duterte ug Senador Bong Go ang mga biktima sa landslides sa Baybay ug Abuyog, Leyte, Biyernes, Abril 15, 2022.
Si Duterte niabot sa Ormoc City Airport sakay sa presidential chopper ug gisugat ni Ormoc City Mayor Richard Gomez ug Cong. Lucy Torres-Gomez.
Gibisita ni Duterte ang Baybay ug Abuyog aron duyogan ang mga pamilya sa mga nangamatay sa landslides atol sa bagyong Agaton.
Sa iyang pagbisita, gipadayag sa Presidente nga wala kalimti sa gobyerno ang mga biktima ug nihatag kini og tabang pinansyal ug ubang panginahanglan.
Gisaad usab ni Duterte nga dili angay mamroblema sa pagkaon ang mga biktima hantud nga sila makabarog pagbalik.
“I will say this again, and I repeat, food won’t be a problem. You will be given food to eat until the end of time, even after you’ve rebuilt your houses, you can even stop buying your own rice if you want. Just approach the DSWD,” matod sa Presidente.
Gipadayag usab sa Presidente ang iyang pahasubo ug tuyo sab sa iyang pagbisita aron mahatagan og paglaum ang mga biktima taliwala sa kasakit nga nasinati.
“This is what I really came for, I just want to make you smile. I know what you’re going through especially those who are wounded. It pains me too,” dugang ni Duterte.