SUGBO. Lider sa Abellana Drug Group, nasikop atol sa buy-bust operation Dominggo, Abril 14 diin nakuhaan kini og kapin P1 Milyon nga drugas sa Sunrise Village, Barangay Bulacao Pardo, Dakbayan sa Sugbo. (Hulagway iya sa Itug-an ni CD Facebook page)
Balita
'Bayot' nakuhaan og P1.1 milyones nga drugas
LIDER sa Abellana Drug Group, nasikop atol sa buy-bust operation Dominggo sa kadlawon, Abril 14 diin nakuhaan kini og kapin P1 Milyon nga drugas sa Sunrise Village, Barangay Bulacao Pardo, Dakbayan sa Sugbo.
Ang nasikop naila nga si Archie Rosales Abellana alyas Archie Bayot, 39, residente sa Barangay Suba, Dakbayan sa Sugbo, kinsa usa ka high value target ug leader sa Abellana Drug Group.
Lakip sa nasikop sila si Marjory Arriesgado, 33, residente sa Sitio Cabotoy, Barangay Pooc, Dakbayan sa Talisay ug si Lendon Perez Gonzaga, 37, maninda'g isda, residente sa Sunrise Village, Barangay Poblacion Pardo, Dakbayan sa Sugbo. (HBL)