Bayranan sa paggamit sa luna sa Kapitolyo gisubay na

Bayranan sa paggamit sa luna sa Kapitolyo gisubay na

Gisugdan na og kwenta sa grupo nga moimplementar sa Cebu Bus Rapid Transit (CBRT) ang obligasyon niini ngadto sa Probinsya sa Sugbo subay sa giingong encroachment sa proyekto sa mga luna sa Kapitolyo sa may Osmeña Boulevard, Dakbayan sa Sugbo.

Kini human nagtagbo sila si Cebu Governor Gwendolyn Garcia ug ang mga opisyal nga nangulo sa CBRT sa Agusto 14, butyag sa Cebu Provincial Information Office pinaagi sa Sugbo News.

Ang resulta sa price quotation gikatakda usab nga iduso sa CBRT ngadto sa Department of Transportation (DOTr) central office aron masusi ug makahimo og lakang sa paghatag sa dugay na nga giisa sa Kapitolyo nga “just compensation”.

Ang CBRT nga gastuhan og P17 bilyunes, sa kinatibuk-an, dunay rota gikan sa Bulacao sa habagatan sa dakbayan sa Sugbo paingon sa Talamban sa amihanan.

Mosumpay kini sa mga commercial district sa Sugbo sama sa Osmeña Blvd., Capitol Site, Cebu Business Park, ug Cebu IT Park.

Ang unang phase sa proyekto magsugod sa Kapitolyo paingon na sa Osmeña Blvd. diin maligsan ang mga luna sa Lalawigan.

Gitagana ang maong mga luna isip road lots sa DPWH apan dili isip bus stations sa CBRT project.

Una na gipahibawo sa gobernador nga gikinahanglan nga insaktong pagbayad sa mga mogamit sa luna sa Kapitolyo sanglit ang kitaon niini, ibalik gihapon isip serbisyo ngadto sa mga Sugboanon. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph