Susihon sa mga eskolar ang mga “ungo” nga nanghadlok sa mga kolonyalistang Espanyol sa usa ka hybrid nga kalihokan nga nagsaulog sa Kalagkalag (All Souls’ Day), “Ungo o Babaylan?
Ang ‘Witches’ of Ancient Visayas” ipahigayon karon, Oktubre 29, 2022, alas 3:00 sa hapon sa Palm Grass The Cebu Heritage Hotel.
Ang historyador nga si Dr. Danilo Gerona, tagsulat sa libro sa “Ferdinand Magellan”, mopaambit sa iyang panukiduki bahin sa “pangungo sa Sugbo” nga gitaho sa 1577 nga dokumento gikan sa archive sa Seville, Spain.
Ang tigdukiduki nga si Sashah Diosio sa University of Philippines-Visayas mopaambit usab sa mga detalye bahin sa mga babalayne sa Kasadpang Kabisay-an, kung giunsa nila pagtubag ang kolonyalismo ug ang ilang paglungtad hangtod karon.
Dugang pa, usa ka grupo sa mga batan-on ang maghulagway sa mga karakter sa Bisaya nga mythology ug folktales sa “Visayan Mythical Creatures Cosplay Contest”, usa sa mga highlight sa hybrid nga kalihokan, “Ungo o Babaylan? Ang mga ‘Witches’ sa Karaang Bisaya”.
Ang kalihokan i-broadcast live sa mga panid sa Palm Grass The Cebu Heritage Hotel ug mga kauban sa kalihokan: National Historical Commission of the Philippines, National Quincentennial Commission, Culture, Arts and Design Association of the Philippines Inc., Social Science Society-CNU, Museo Sugbo, Central Visayas Association of Museums, Diyandi Heritage Center ug Soan 2020. (PR)