DRIVER sa Natalie Tours bus ang gipusil patay atubangan sa iyang 4 anyos nga anak ug live-in partner sa may 6th street barangay Apas, Cebu City pasado alas 5 karong hapon.
Ang biktima giila nga si Eliseo Devellires 34, taga sitio Santo Niño 2 barangay Lower Casili lungsod sa Consolacion.
Matod sa live in partner sa biktima nga si Lorena Zamora nga padung na unta sila sa birthday sa tag-iya sa Natalie Bus apan kalit lang naabot ang suspek nga sakay og motor ug dayong pusil sa maka duha ka higayon.
Gitug-an usab sa live in partner nga aduna nay hulga sa kinabuhi ang biktima sa dihang mibiya kini sa iyang kanhi gitrabahoan nga usa usab ka bus company nga nag base sa Jagobiao syudad sa Mandaue gani nagpa blotter na sila sa Consolacion.
Ang Mabolo police station mihimo karon sa ilang manhunt operation human mailhi ang usa sa mga kauban kaniadto ni Eliseo nga nag atang sa eskina. Kini maoy gituohan nga gisugo sa mastermind aron ipapatay ang biktima. (Arnold Bustamante)