Mipasar og resolusyon ang City Anti-Drug Abuse Council (Cadac) sa dakbayan sa Lapu-Lapu niadtong Hulyo 13 nga tagaan og commendation ug ganting salapi ang Barangay Tingo ug Baring sa isla sa Olango.
Kini may kalabotan sa ilang pagkadeklarar nga drug-cleared nga barangay sa dakbayan sa regional oversight committee sa Philippine Drug Enforcement Agency (PDEA)-7 niadtong Hunyo 30.
Gawas niini, nipasar usab ug resolusyon ang naasoyng buhatan nga maghatag og commendation sa Police Station 1 sa Lapu-Lapu City Police Office (LCPO) sa ilang subsob nga pag-monitor sa naaspoy nga duha ka barangay.
Si Garry Lao, pangu sa City of Lapu-Lapu Office of Substance Abuse and Prevention (C-Losap), niingon nga kini isumiter pa sa konseho. (GCM)