Caindec mimando sa LTO offices sa paglugway sa oras, bukas sa Sabado

Caindec mimando sa LTO offices sa paglugway sa oras, bukas sa Sabado

Gimanduan ni Land Transportation Office (LTO) 7 Regional Director Victor Emmanuel Caindec ang tanang mga buhatan niini sulod sa rehiyon 7 alang sa lugway nga oras sa trabaho panahon sa mga adlaw tingtrabaho sa semana ug pagbukas bisan sa Sabado alang sa licensing transactions lamang.

Ang pag-abli sa LTO 7 licensing offices sa Sabado magsugod sa Mayo 6, 2023, ug magpadayon hangtod sa dugang nga pahibalo. Kini aron mas daghan ang makapahimulos sa serbisyo sa ahensya, ilabina sa pag-isyu sa student permits, ug bag-o ug renewal sa driver’s license.

“In the best interest of the service, all offices with licensing transactions should operate on Saturdays starting Mayo 6, 2023, and until further notice, even those without pending transactions,” mabasa sa office order ni Caindec alang sa tanang mga hepe/acting sa hingtungdan nga mga opisina ug tanang hingtungdan nga empleyado/personnel nga gipetsahan sa Mayo 5, 2023.

Giawhag usab ni Caindec ang publiko sa pagpahimulos niining lugway nga adlaw sa trabaho sa LTO 7.

Ang mga opisina mahimong bukas sa ilang regular nga oras sa opisina sa Sabado ingon man ang mga oras sa adlaw sa semana mahimong i-extend sa pipila ka mga opisina aron makatabang sa pagdugang sa kapasidad sa matag adlaw nga transaksyon.

Kinahanglan nga humanon ang tanang mga transaksyon bisan molapas na sa alas 5 sa hapon basta duna pay mo-transact sa matag buhatan.

Mao ni ang mga buhatan nga gimandoan:

* Regional Malasakit Licensing Center (N. Bacalso sa Cebu City)

* Carcar City DO

* Cebu City DO

* Cebu City Licensing Center (SM Seaside)

* DLRO- SM City Cebu

* Danao City DO

* Medellin DO

* Talisay City Licensing EO

* Toledo City DO

* Lapu-Lapu City DO

* Lapu-Lapu City Licensing Center

* Ronda DO

* Toledo City Licensing Office (Balamban, Cebu)

* Bantayan Island EO

* Jagna DO

* Tagbilaran City DO

* Tagbilaran City Licensing EO (Alturas Mall)

* Talibon EO

* Bais City DO

* Ang Bayawan City DO

* DLRO-ICM Tagbilaran City

* Dumaguete City DO

* La Libertad DO

* Dalaguete EO

* Siquijor DO

(REV gikan sa PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph