HUMAN sa nahitabong hostage taking sa usa ka mall sa Greenhills, San Juan City, Metro Manila diin moabot ngadto sa 50 ka mga empleyado ang gi hostage sa kanhi gwardya, nipasalig ang Cebu City Police Office nga andam sila kon ugaling mahitabo man kini dinhi.
Matod ni Police Colonel Engelbert Soriano, hepe sa Cebu City Police Office nga ang mga police sa dakbayan adunay personnel nga maayo mo-negotiate kung adunay motumaw nga hostage drama.
Bisan siya mismo adunay kasinatian sa pagnegotiate tungod kay napa-ubos siya sa training unsaon pagsulbad ang usa hostage taking.
“Kung sakaling magkaroon ng ganyan mayroon naman tayong quick response team at capable naman tayo duon at ang ating SWAT at City Mobile Force Company to handle the problem,” matod ni Police Colonel Soriano.
Apan alang niya nga ang gihimo karon sa kapulisan sa siyudad sa Sugbo mao ang pro active diin dili na huwaton nga adunay mohimog hastage taking.
Ang nahitabong hostage sa kaulohan diin 50 ka mga empleyado sa usa ka mall sa Greenhills ang gitanggong sa kanhi gwardya sa maong establisemento gumikan sa iyang kasagmuyo sa management sa pasangil nga dili patas ang trabaho nilang mga gwardya. (AYB)