Cebu City full ‘alert status’ atol sa Charter Day, People Power

Hulagway kuha sa Google Street view
Hulagway kuha sa Google Street view

Ipatuman sa kapulisan sa dakbayan sa Sugbo ang full alert status atol sa pagsaulog sa 86th Charter Day celebration sa Pebrero 24, 2023 ug hugot usab nga siguridad ang ipatuman sa Pebrero 25 atol sa paghandom sa Edsa People Power revolution.

Matud ni Police Lieutenant Colonel Janette Rafter, deputy city director for operations sa Cebu City Police Office, nga aduna silay ipakatap nga mga personnel sa mga kalihukan sa Kagamhanan sa Dakbayan nga kabahin sa usa ka semana nga selebrasyon sa Charter Day.

Gipasabot ni Rafter nga ang pag-isa sa alert status nagpasabot kini nga wala nay pulis nga gitugotan nga maka-leave sa trabaho ug kinahanglan nga naa ang tanang personnel sa ilang tagsa-tagsa ka unit.

Dunay mga programa nga gihimo ang Siyudad sulod sa mga establisemento ug sa open area nga ila nang gipanghatagan og siguridad.

Bisan wala silay nadawat nga hulga apan wala sila mokompyansa nga gumikan niini, ilang gipatutokan ang mga programa sa Kagamhanan sa Dakbayan, lahos na ngadto sa Pebrero 25 nga maoy paghandom sa ika 37 nga kasumaran sa Edsa People Power Revolution.

Hinuon gibutyag ni Rafter nga ila nang ilibkas ang alert status sa maong adlaw ug ibalik nila sa normal.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph