Ang taas nga panginahanglan sa mga Filipino nurses sa gawas sa nasod “maayong balita,” matod ni Commission on Higher Education (Ched) chairperson Prospero de Vera III, nga nag-ingon nga ang Pilipinas naghimo na og “konkretong” mga lakang aron matubag ang kakuwang sa mga healthcare workers sa nasod.
Sa press conference sa Malacañang kaniadtong Martes, Hulyo 11, 2023, si De Vera miingon nga ang taas nga panginahanglan sa mga Filipino nurses sa gawas sa nasod nagpakita sa kalidad sa edukasyon sa Pilipinas.
“The fact that our nurses are in demand abroad is actually good news because that means we produce world-class nurses. I think we should be worried if our professionals are not acceptable abroad,” matod ni De Vera.
“That means our educational system is not good. So it’s a good sign, we just have to manage it better by producing more nurses,”dugang niya.
Si De Vera miingon nga ang bugtong pagpataas sa sweldo sa mga nars sa nasod dili makasulbad sa kakuwang sa mga nars dinhi, kinahanglan usab nga paningkamutan nga makahimo og daghang mga gradwado sa nursing.
“There should be an effort to reskill the existing ones and see how many of those who fail the licensure tests can be assisted to pass it,” matod niya.
Si De Vera nisaad nga ang Ched maghimo og long term, medium-term ug immediate actions aron mahimong matubag ang kakuwang sa Filipino nurses.
Sa sayo pa, si Presidente Ferdinand Marcos Jr., niingon nga tungod sa taas nga suweldo, ang mga nars sa nasod mipili sa pagtrabaho sa gawas sa nasod imbes nga magserbisyo dinhi.
Iyang gimanduan ang Ched ug ang Department of Health (DOH) sa pagpangita og mga paagi aron sila magpabilin sa nasod taliwala sa kakuwang sa mga nars sa Pilipinas.
Sa sayo pa, si Health Secretary Ted Herbosa niingon nga ilang gitan-aw ang pagkuha sa mga nursing graduate nga wala pa makapasar sa board exam isip nursing aides aron matubag ang kakuwang sa healthcare professionals sa nasod.
Samtang, si De Vera niingon nga unom ka mga medical programs ang ilang gibuksan sa mga pampublikong unibersidad sa nasod sa unang tuig ni Marcos sa katungdanan.
Matod niya aduna nay 18 ka mga medical school sa state universities ug colleges diin ang mga tinun-an makakuha og scholarship alang sa ilang medical education ug moserbisyo sila sa mga lugar nga wala kaayo maserbisyohi human sila makagradwar.
Matod ni De Vera nga kini nga mga medikal nga eskwelahan nagtanyag og mga scholarship uban sa ilang state-of-the-art nga mga ekipo aron makahimo og world-class nga mga doktor nga moalagad sa mga lugar sa nasod nga kulang sa serbisyo.
“Out of the 18, the original number was eight. Under the (former President Rodrigo) Duterte administration, four were produced or four programs were opened in five years; under the Marcos administration, six medical programs were opened in one year. So we really presented those where there was a significant difference,” matod niya.
Kabahin sa accomplishment report sa Ched atol sa unang tuig ni Marcos sa katungdanan mao ang pagtutok sa unom ka mga lugar nga adunay mapamatud-an ug masukod nga success indicators sama sa Universal Access to Quality Tertiary Education; kalampusan sa Ched sa pagsunod sa European Maritime Safety Agency; mga kalampusan sa pagsulbad sa isyo sa edukasyon sa nursing; pagpalapad sa medikal nga edukasyon sa mga estudyante; mga napahimutang na nga programa sa Ched ilabi na sa siyensya, teknolohiya, engineering ug matematika; ug internasyonalisasyon sa taas nga edukasyon sa Pilipinas. (TPM sa SunStar Philippines)