Duha ka mga putos sa cocaine nga nagkantidad og P10,000 samtang 20 kabuok mga tabletas sa ecstasy nga nagkantidad og P34,000 nasakmit sa mga operatiba sa Regional Police Drug Enforcement Unit (RPDEU)-7.
Gihimo ang buy-bust ala 1:30 sa Sabado sa kaadlawon, Oktubre 29, 2022, sa Arca St., Barangay Mabolo, Siyudad sa Sugbo.
Nasikop mao si Michael Toquero Chio, 31, taga Tupaz St., Casals Village, Barangay Mabolo, Siyudad sa Sugbo.
Si Police Captain Jeoffre Grande, team leader sa RPDEU-7, maoy nangu sa operasyon.