Hugot nga ipatuman pag-usab sa lungsod sa Dumanjug ang curfew alang sa mga menor de edad atol sa kagabhion.
Kini subay sa giluwatan nga mando ni Dumanjug Mayor Gungun Gica pinaagi sa iyang Executive Order No. 0017: Ensuring Rigorous Implementation of Ordinance No. 2016-07 alang sa kaluwasan sa kabataan nga natukma usab sa pagbukas sa klase.
Subay sa mando, ang tanang mga batan-on nga nag edad og 17 anyos paubos kinahanglan nga mosunod kay kon dili, pamultahon kini o ba kaha prisuhon.
“Strict consequences await those who violate the curfew regulations. Fines and potential imprisonment serve as deterrents against non-compliance with the ordinance, underscoring the municipality’s commitment to maintaining a secure environment for all,” saysay sa LGU.
Ang curfew magsugod sa alas 10 sa gabii hangtod sa alas 4 sa buntag. Base sa kamandoan, ang madakpan sa ikatulong higayon mahimong pamultahon og P1,000 o pagkapriso sulod sa usa ka semana; P800 nga multa sa ika-duhang offense samtang P400 alang sa unang offense. / ANV