MAAYONG balita alang sa mga motorista ug pasahero sa south nga moagi sa depressed portion sa N. Bacalso Ave., Dakbayan sa Sugbo.
Si Roy dela Cruz, project engineer sa Department of Public Works and Highways 7 (DPWH) 7, niingon nga ang mga karsada sa kilid sa duha ka lanes sa underpass project mobukas sa mga sakyanan karong Sabado, Nobiyembre 24.
“We’re no longer expecting any traffic rerouting once the side roads will be opened. And we’re expecting traffic there to improve,” siya niingon.
Ang underpass project, nga gisugdan niadtong Agusto sa miaging tuig, 81 porsyento nang nahuman. Si Dela Cruz niingon nga bag-ohay silang nahuman sa pagtrabaho sa phase 4, nga naglakip sa paglungag, concreting ug pagtukod sa retaining walls. RTF sa SunStar Cebu