Danao mitanyag og biz-friendly policy alang sa mga mamuhonan

Google map
Google map

Ang dakbayan sa Danao sa amihanang Sugbo andam na nga modawat sa lokal ug langyaw nga mga puhunan.

Gigarantiyahan niini ang usa ka dako nga merkado ug partisipasyon sa publiko, ug nagtanyag mga berde nga inisyatibo, epektibo nga pagdumala ug mga palisiya nga mahigalaon sa negosyo.

Mao kini ang pasalig ni Mayor Thomas Mark “Mix” Durano sa mga magdudula nga gustong mamuhunan ug mopalapad sa ilang negosyo gawas sa Metro Cebu, atol sa Danao City Investment Forum sa Marco Polo Plaza Hotel sa dakbayan sa Sugbo niadtong Sabado, Hulyo 8, 2023.

Sa iyang pakigpulong, si Durano niingon nga ang forum kabahin sa tinguha sa iyang administrasyon nga mahimong “model city of sustainable development in the Island of Cebu” ang Danao City sa mosunod nga tulo ka tuig.

Aron makab-ot kini, iyang gipadayag ang upat ka mga estratehiya: Economic Resiliency, Empowered Citizens, Eco-friendly/Livability, ug ang Effective and Efficient Governance.

Gitataw sa mayor nga ang Danao City giila nga sunod nga growth city sa amihanang Sugbo, base sa Metro Cebu Roadmap for Sustainable Urban Development sa Japan International Cooperation Agency.

Aron paspas ang pagpamuhunan sa dakbayan, gi-activate sa local government unit ang Danao City Investment and Promotions Center (DCIPC), Danao City Investment and Incentives Board (DCIIB) ug Danao City Chamber of Commerce and Industry (DCCCI) sa miaging tuig.

Matod ni Durano, ang maong mga organisasyon makigtambayayong sa City Government pinaagi sa direktang pakiglambigit ug paggiya sa pribadong sektor ug investors nga gustong mopalapad sa dakbayan.

Dugang niya nga tumong usab sa Siyudad nga mahimong mas malungtaron pinaagi sa pag-una sa kinaiyahan.

Iyang gitumbok ang mga bentaha sa Danao City, nga naglakip sa dako nga populasyon sa merkado, duol sa ubang mga lungsod nga nagkadaghang populasyon ug accessibility sa usa ka pantalan ug terminal paingon sa Metro Cebu ug ubang rehiyon.

UNSA PAG-INVEST

Si DCIPC officer-in-charge Ramon “Red” Durano VI mipasalig sa mga potensyal nga mamumuhunan nga sa dakbayan sa Danao walay mga paglangan, tungod kay ang DCIPC, DCIIB ug DCCCI maoy gitudlo nga plataporma aron sila makapangutana ug makigtambayayong sa City Government ug mga lider sa industriya.

Matod niya, ang City Government nipasar usab og mga ordinansa ug mga resolusyon nga nagpasiugda og mas business-friendly nga polisiya aron madani ang investors, lakip na ang Public-Private Partnership ordinance nga nagtakda sa mga guidelines ug legal framework alang sa Siyudad sa pagsulod ngadto sa contractual arrangements uban sa pribadong sektor.

Dugang niya nga naghimo usab sila og plataporma aron mainsentibo ang mga negosyo ug mga mamumuhunan nga manimpad sa siyudad.

Si Durano VI miingon nga ang nagkalainlaing educational scholarship ug mga programa sa pagtabang nga gitanyag sa City Government naggarantiya usab sa usa ka pool sa mga talento sa siyudad.

MGA PROYEKTO

Ang Danao adunay 17 ka mga proyekto aron mapalambo ang lokal nga ekonomiya, matod ni Ramon Gorre, officer in charge sa Danao City Planning and Development Office, atol sa forum.

Usa mao ang pagtukod pag-usab sa Danao City Public Market, nga naigo sa sunog niadtong 2022. Ang bag-ong merkado, nga makaakomodar og kapin sa 1,200 ka commercial stalls sa barato nga presyo, gitarget nga mahuman sa 2024.

Ang mga kadena sa mini o satellite nga mga merkado pagatukuron sa mga estratehikong lokasyon sa tibuok siyudad aron mapaduol ang mga butang ug serbisyo ngadto sa lokal nga mga panimalay.

Matod ni Gorre, nagsugod na ang land development alang niini nga proyekto ug magsugod sa Barangay Guinsay.

Laing proyekto mao ang pagtukod sa Danao City Sports Complex, diin ibutang ang Olympic-sized nga swimming pool ug indoor basketball ug volleyball court.

Gitukod usab ang Highland Leisure District nga adunay 18-hole nga golf course.

Matod niya, ang Siyudad nagtukod usab og tulo ka andana nga parking building sa Barangay Poblacion nga maka-cater sa 350 ka mga sakyanan ug 300 ka mga motorsiklo. (EHP uban ni DENISE MAE CODIS ug JUDIE LIZA ALANTOSON, CNU INTERNS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph