Ang gidaghanon sa mga kaso sa dengue sa nasud sukad sa Enero 2022 labaw na sa doble itandi sa samang panahon sa 2021, nagpakita ang usa ka datos sa Department of Health (DOH).
Ang DOH nagkanayon, sa Agusto 27, niabot na sa 145,341 ka mga kaso sa dengue ang na-report sa nasod, 105-porsiyento nga mas taas sa 52,697 ka kaso gikan sa Enero hangtod Agusto 2021.
Kadaghanan sa 16,996 ka bag-ong na-detect nga mga kaso anaa sa National Capital Region (NCR), Calabarzon ug Cagayan Valley.
Ang DOH nagkanayon nga 461 ka mga pasyente sa dengue ang nangamatay sukad niadtong Enero 1, taas kaayo itandi sa 181 nga nangamatay sa dengue sa samang panahon sa 2021. (TPM sa SunStar Philippines)