Isip kabahin sa adbokasiya sa Bohol Police Provincial Office nga gipangulohan ni provincial director PCol. Lorenzo Batuan, gilusad ang ‘Project LAB’ kon “Libreng Alagad ug Balay’ alang niadtong kabus nga banay.
Inabagan ang maong proyekto ni Bohol Provincial Governor Erico Aristotle Aumentado ug 2nd District Representative Ma. Vannesa Aumentado.
Katuyoan sa nahisgutang housing project mao ang paghatag og luwas, desente ug barato nga housing alang niadtong pamilya nga way klarong kapuy-an.
Ang lungsod sa Buenavista ang usa sa napilian, diin mopili og kuwalipikado nga benepisyaryo alang sa maong programa.
“Through the philanthropic efforts and devotion with volunteerism the Libreng Alagad ug Balay Project resulted with successfully built and risen which build in sturdy and sustainable housing for Mr. and Mrs. Rewin-Janet Calago family,” tipik sa statement sa BPPO.
Gawas pa niini, ang Project LAB, diin ang Buenavista Municipal Police Station mihatag og usa ka sakong bugas ug grocery packs ngadto sa benepisyaryo, samtang ang AFPSLAI Bohol Branch ang mitunol sab og kitchen utensils ug ubang househeld needs. (BPPO, PR)