Developer mipalapad sa drainage sa SRP

DRAINAGE GIAYO: Si JP Escario (ika-2 gikan sa tuo), Filinvest Land area general manager for Visayas, ug Cebu City technical team members, nisusi sa usa ka bahin sa South Road Properties (SRP) duol sa ilang joint venture project nga City di Mare aron mapaayo ang drainage. Kauban ni Escario sila si Engr. Joemar Aboyabor sa SRP Management Office (MO), Gwen Sala sa City di Mare, Engr. Roberto Vasquez sa SRP MO, ug Arnel Tancinco sa Filinvest Alabang, Inc. / Tampo
DRAINAGE GIAYO: Si JP Escario (ika-2 gikan sa tuo), Filinvest Land area general manager for Visayas, ug Cebu City technical team members, nisusi sa usa ka bahin sa South Road Properties (SRP) duol sa ilang joint venture project nga City di Mare aron mapaayo ang drainage. Kauban ni Escario sila si Engr. Joemar Aboyabor sa SRP Management Office (MO), Gwen Sala sa City di Mare, Engr. Roberto Vasquez sa SRP MO, ug Arnel Tancinco sa Filinvest Alabang, Inc. / Tampo

Usa ka developer nipalambo ug nipalapad sa drainage system sa South Road Properties (SRP) uban sa pakigtambayayong sa Kagamhanan sa Dakbayan sa Sugbo.

Ang full-range property developer nga Filinvest Land, Inc. (FLI) nibutang og dugang box culvert duol sa City di Mare (CDM), 40 ka mga ektarya nga joint venture nga proyekto niini uban sa Cebu City Government.

Kini aron mas paspas ang pag-agos sa tubig gikan sa kusog nga pagbunok sa ulan aron ang mga Sugbuanon di na sab mahasol.

Ang maong proyekto kabahin sa drainage plans nga gisugdan sa FLI ug Cebu City niadto pa’ng 2015.

“We are proud to continue collaboration with the Cebu City LGU in this significant project and provide a sustainable solution to the city’s drainage challenges,” matod ni Don Ubaldo, first vice president sa Filinvest Townships.

“Kini nga inisyatiba nahi­uyon sa pasalig sa Filinvest Land sa pagmugna og malahutayon ug lig-on nga kalambuan nga makapauswag sa kaayohan sa mga Sugbuanon ug sa kinaiyahan,” dugang pa niya.

Ang box culvert gihulagway nga sama sa tunnel nga istruktura nga kasagaran gitukod ilalom sa mga dalan aron agian ang tubig gikan sa usa ka kilid ngadto sa lain.

Gipalapad niini ang kasamtangang drainage system duol sa CDM ug SRP, ug hustong gi-redirect ang sobra nga tubig panahon sa kusog nga ulan, matod sa usa ka press release sa kompaniya.

Gawas sa giplanohang pagpaayo sa drainage, ang FLI nagpataas ug nagpalapad usab sa mga kanal sa sidewalk duol sa CDM nga makabenepisyo sa mga pedestrian. Dugang nga pagkongkreto sa entrance humps ang mosunod, dugang niini.

Ang Filinvest Group usa ka mahinungdanong magdudula sa pagpasiugda sa mga solus­yon sa mga hagit nga may ka­labutan sa tubig sa Siyudad sa Sugbo, lakip ang paghatag og tubig nga mainom.

Sa miaging courtesy call, nakigtagbo ang mga opisyal sa Filinvest kang Mayor Mike Rama aron hisgutan ang malungtarong mga solusyon sa kanihit sa tubig sa dakbayan, lakip na ang sugyot nga dugangan ang suplay sa tubig sa dakbayan sa Sugbo pinaagi sa desalination, gamit ang abunda nga tubig dagat sa palibot sa lalawigan. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph