MAYORIYA o anaa sa 61.6 porsiyento sa kinatibuk-ang kaso sa Covid-19 sa Central Visayas (CV) mga lalake. Ang labing apektadong edad naa sa 21-30 anyos.
Usa kini sa mga data nga giluwatan sa Department of Health (DOH) Central Visayas Center for Health Development’s Regional Epidemiology and Surveillance Unit, gikan sa Enero 31 ngadto sa Mayo 27, 2020.
Sa Mayo 27, adunay kinatibuk-ang 2,588 laboratory-confirmed Covid-19 cases ang natala sa rehiyon.
Sa gidaghanon, sumala sa DOH 7, nikabat sa 1,593 ang mga lalake ug 995 ang mga babaye.
Sa kinatibuk-an, ang 1,820 ubos sa home isolation; 408 ang gipapauli lang; 306 ang nasulod sa health care facilities; ug 55 ang namatay.
Ang DOH 7 nagpadayon sa ilang pagsubay sa kaso sa Covid-19 ug naningkamot nga moubos ang kaso. (WBS)