Gilusad sa Department of Labor and Employement (Dole) 7 ang programa alang sa pagpakaylap sa mini-labor education nga gitawag og ‘Tik Talk’ sa ilang Facebook page, alas 10:30 sa buntag o ala 1:30 sa hapon matag adlaw sugod sa miaging semana.
Usa kini ka mamugnaong inisyatiba ubos sa liderato sa officer-in-charge (OIC) regional director sa Dole 7 nga si Lilia Estillore nga nadasig sa popular nga short video sharing flatform nga TikTok.
Sa Dole 7, ang Tik Talkers gilangkuban sa mga head sa field offices, divisions ug units o ilang representatives, kinsa maghisgot sa lainlaing topics sama sa General Labor Standards; Occupational Safety and Health Standards ug ubang social legislations.
“Doing these Mini-Labor Education discussions live on FB is a concrete translation of the Dole 7’s inclusive communication program. We want everyone to be included. We want everyone to get access to this platform, where they can actively interact with the Tik Talkers by sending in their comments,” matod ni Estillore.
“Someone asked me, why Tik Talk? We coined the name in such a way that it would also encourage the millenials to also view and participate. We are now trying to standardize the contents of the discussions to ensure that whatever we share to the public has been carefully scrutinized and validated to ensure alignment with the latest issuances and pronouncements. We would welcome all comments to make the Labor Tik Talk more relevant to the public,” dugang niya.
Gipasabot ni Estillore, ang Tik Talk makahatag og kahigayonan sa mga tumatan-aw para mapadayag ang ilang concerns ug pangutana atol sa discussions sa Tik Talkers.
Ang komunikasyon gikan sa ilang ahensiya ngadto sa mga tawo nga maoy ilang giserbisyohan mahinungdanon aron usab maedukar ang publiko kalabot sa mga programa ug serbisyo nga gitanyag sa ilang departamento, matod ni Estillore.