DRUG surrenderee nga gradwado sa Community Based Treatment (CBT) class ang nakuhaan og ginadiling druga atol sa buy-bust operation mga gipahigayon sa alas 6:30 sa gabii niadtong Lunes sa lungsod sa San Fernando.
Ang suspetsado naila nga si Gerson Alia Tapuyao, 28, ulitawo og lumulupyo sa barangay Tonggo, sa maong lungsod.
Si Tapuyao, naila sa mga tinugyanan sa balaod nga bag-ong drug personality sa nahisgutang lugar.
Lakip sa nakuha sa buy bust operation nga gipangulohan ni PSINSP Arvi Aguipes Abuis sa Drug Enforcement Unit ang upat ka gagmayng pakete sa gituohang shabu nga mokantidad og P1,000.
Kasong violation sa section 5 & 11 of R.A 9165 ang atubangon sa suspetsado kinsa kasamtangan nabalhog sa bilanggoan. (Erwin Loregas-USJ-R Intern)