Patay ang usa ka drug surrenderer human pusila sa wala pa mailhing mamumuno sa Sitio Dawis, Brgy. San Roque, dakbayan sa Talisay, alas 2:30 sa hapon sa Miyerkules, Agusto 23, 2023.
Ang biktima giila nga si Fidel Casinillo Suan, 31, taga Purok Malagaron, Barangay Tabunok, Talisay City apan lumad nga taga Daanbantayan.
Gihulagway sa mga saksi ang killer nga nagsul-ob og blue nga sweat shirt ug maong pants.
Human sa pagpamusil, dali ni nga nisibat paingon sa Inayawan, dakbayan sa Sugbo.
Sigun sa kapuyo sa biktima nga si Catherine Racaza nga nagbag-o na si Suan.
Dason niya nga matag higayon nga ipatawag sa kapulisan sa Daanbantayan motunga kini alang sa pag-monitor kon wala ba mobalik sa bisyo.
Ang Talisay City Police Station padayon sa ilang imbestigasyon ug misusi sa mga CCTV camera sa dapit aron pag-ila sa mamumuno.