DUHA ang naglingkod nga barangay kapitan sa Mambaling, Dakbayan sa Sugbo karon.
Di mokanaog sa pwesto si suspended barangay kapitan Gines Abellana bisan kon adunay giisyu nga desisyon niadtong Enero 9, Miyerkules, ang Cebu City Council sa pagsuspenso kaniya.
Si Anne Marie Vestil Palomo, nagsilbing puli kang Gines, nanumpa nga modawat na atubangan kang Mayor Tomas Osmeña niadtong Huwebes, Enero 10.
Si Abellana gisuspenso human wa siya mohatag sa honoraria alang kang Palomo ug sa laing mga konsehal.
Sa interbyu kagahapon, si Aballena niingon nga di sa siya mokanaog sa katungdanan kay naghuwat pa siya og order gikan sa Department of Interior and Local Government (DILG).
“Dili ko munaog kay giingnan ko sa DILG nga papadayunon ko. Wala na siya’y (Palomo) mahimo ana. Maghuwat ra kos desisyon sa DILG,” matod ni Abellana.
Samtang si DILG Cebu City acting chief Emma Joyevelyn Calvo niingon nga isalig nila sa ilang legal office ang pagsuta kon adunay sayop bahin sa pagpatuman sa pagsuspenso kang Abellana.
Mitataw si Aballena nga di igo ang pagpanumpa ni Palomo nga temporaryong mopuli sa iyang posisyon isip barangay kapitan.
“Her taking oath as barangay captain does not even qualify her to act as barangay captain. Katong decision sa City Council suspending me kinahanglan pa tong i-serve sa DILG. Unya wala man siya nangayo ana. So, dili to mo take effect ang suspension and that’s the reasonn why dili ko monaog,” dugang ni Abellana.
Si Palomo ginganlan ni Abellana og gutom sa gahom.
“I think that statement is misplaced. Kay ngano man ang wrongdoing niya? He abused his authority by withholding our honoraria and it is a natural remedy to us to fight, cause of action against him for a disciplinary case. Amoa nang right. What’s the ‘hungry for power’ there?” matod ni Palomo.
Dugang niya si Abellana mismo ang nahimong rason sa iyang pagkabutang sa sa maong posisyon tungod sa mga sayop nga binuhatan niini. Kiziah Marie T. Suello & Jolissa Mae Taboada, USJ-R Interns/dugang taho ni PAC