Dumptruck midaro sa 5 ka motor; 7 angol
Pito ang nangaangol human gidaro sa usa ka mini dumptruck ang mga motorsiklo sa alas 8:40 sa Sabado sa buntag, Septiyembre 16, 2023 sa sityo Proper, Brgy. Pulangbato, dakbayan sa Sugbo.
Sa imbestigasyon sa Talamban Police Station sa Cebu City Police Office (CCPO), nagsubay ang mini dump truck nga gipanag iya sa SBD BuilĀders Construction sa barangay road gikan sa Sta. Lucia sa Barangay Pulangbato.
Apan sa dihang padung na modulhog ang maong sakyanan, nawagtangan kini og brake, nidiretso kini sa riprap sa kilid sa karsada, nibangga usab sa mga naka park nga motorsiklo atubangan sa usa ka tindahan.
Naangol ang unom ka mga sakay, lakip na ang driver nga daling gidala sa Cebu City Medical Center.
Nangadanyos ang lima ka mga motorsiklo nga gi park lang sa kilid sa karsada.
Sa pagkutlo ning balita, padayon pa nga giatiman ang mga biktima.