Duterte nag-una sa survey sa mga senatoriable sa 2025

Kanhi Davao City mayor ug kanhi Presidente Rodrigo Duterte. (File photo)
Kanhi Davao City mayor ug kanhi Presidente Rodrigo Duterte. (File photo)

Gipakita sa usa ka survey nga bisan pa sa pagretiro sa politika, si kanhi Davao City mayor ug kanhi Presidente Rodrigo Duterte ang nag-unang gipili nga kandidato sa pagkasenador alang sa 2025 nga eleksyon.

Ang Publicus Asia nagpahigayon sa “Pahayag 2023 Second Quarter Survey” gikan sa Hunyo 7 hangtod 12, ug kini nagpakita nga ang kanhi chief executive mao gihapon ang gipili nga kandidato sa mga botante nga adunay 51 porsyento.

Ang bag-o nga resulta, bisan pa, usa ka gamay nga pagkunhod gikan sa 55 porsyento sa miaging quarterly survey.

Ang survey gihimo dul-an sa usa ka tuig human nibiya si Duterte sa pagkapresidente human sa tibuok unom ka tuig nga termino.

Sa katapusang mga buwan sa iyang termino, si Duterte nipahibawo nga moretiro na siya human sa iyang termino.

Nagdumili usab siya sa pagdawat sa bisan unsang posisyon sa gobyerno gikan sa nipuli kaniya nga Presidente Ferdinand “Bongbong” Marcos Jr.

Wala’y gipagawas nga pamahayag ang kanhi Presidente kalabot sa resulta sa survey.

Ang anak nga babaye ni Duterte nga si Sara Duterte, kanhi mayor usab sa dakbayan, mao karon ang bise presidente sa nasod.

Napalgan usab sa Publicus si Dr. Willie Ong ug ACT-CIS Party-List Rep. Erwin Tulfo nga nagtabla sa ikaduhang puwesto nga adunay base support nga 44 porsyento matag usa.

Ang survey nag-ingon nga ang mga resulta “provide valuable insights into the current political landscape and reflect the preferences of the electorate at this stage.”

“Their consistent popularity demonstrates their strong appeal among the electorate,” matod sa Publicus. (SunStar Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph