Usa ka vessel sa Ocean Jet, ang Ocean Jet 88, nabangga sa Pier 1, pasado ala 1:00 sa hapon, Dominggo, Mayo 14, 2023.
Si Port Police Inspector Jannie Basaca nibutyag nga 11 ka mga pasahero ang naangol human sa pagkabangga sa maong vessel sa pantalan.
Hinuon, matod ni Basaca, walay nagrabehan gawas lang sa ang tanan nakaangkon og minor injuries nga walo ka mga Pilipino ug tulo ka mga langyaw.
Pito kanila gidala sa St. Vincent’s Hospital ug usa sa Chong Hua. Samtang ang tulo niini mga langyaw nga wala na modayon sa tambalanan.
Nakuha nga impormasyon nga ang maong makina sa vessel wala mogana ang pagkontrol sa makina.