Fiscal nga peke mitanyag nga moareglo sa kaso sa druga

Fiscal nga peke mitanyag nga moareglo sa kaso sa druga

Ang Philippine Drug Enforcement Agency sa Central Visayas (PDEA) 7 nipagawas og advisory nga nagpasidaan batok sa bag-ong scam niadtong Biyernes, Oktubre 7, 2022.

Matod ni Leia Alcantara, information officer sa PDEA 7, ang pamilya sa usa ka drug suspect nga bag-o lang nasikop sa Negros Oriental, nireklamo nga usa ka “Fiscal Angela delos Santos Reyes” ang nitanyag nga ipaubos ang kaso batok sa ilang paryente kon sila mobayad kaniya. Sa ilang gihimo, gipasaka pa ang kaso.

Nasayran sa ahensya nga usa ka “Fiscal Angela” ang nakabiktima usab sa usa ka pamilya sa Rehiyon 12.

Siya miingon nga dili ingon niana ang paagi sa paglihok sa sistema dinhi sa nasod.

Matod ni Alcantara, estrikto kaayo ang korte bahin sa PDEA ug sa kapulisan nga moagi og due process sa pagpahigayon og anti-illegal drugs operations. (AYB, BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph