Flood mitigation projects sa Mandaue

Flood mitigation projects sa Mandaue

Ang flooding mitigation projects sa dakbayan sa Mandaue nagpadayon ubos sa phase by phase.

Si Karla Cortes, pangulo sa Mandaue Public Information Office (PIO), niingon nga gituki kini atol sa tigom ni Mandaue City Mayor Jonas Cortes uban sa Office of the Presidential Assistant for the Visayas (OPAV) ug Department of Public Works and Highways (DPWH) niadtong Lunes, Mayo 22, 2023.

Sa maong pamahayag, ang pagbaha sa dakbayan masulbad na sa higayon nga hingpit nang mapatuman ang gikinahanglan nga mga proyekto sa tibuok nga agianan sa tubig.

Upat ka mga proyekto ang gihimo sa siyudad: Rolling Hills Drainage Project sa Banilad; Drainage Project paingon sa E.Espina St.; Banilad (ubos sa suba sa kanhi LH Prime); Tipolo Creek Flood Control Project Phase 1; ug Consuelo Flood Control Project sa Basak.

Ang Siyudad nakig-alayon sa DPWH alang sa dredging sa outfalls sa mga suba, sapa, ug mga agianan sa tubig lakip sa pagbutang og submersible pumps.

Alang sa sunod tuig nga flood control projects, kini magtutok sa Butuanon River, Mahiga River, Tipolo Creek, ug Basak Creek. Nakig-alayon usab sa DPWH kalabot sa pagpaayo sa taytayan duol sa Innodata. (HIC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph