Garcia gitugotan sa Hunta nga mohimoog kasabutan bahin sa luna tali sa BOT 7

Cebu Gover­nor Gwendolyn Garcia. (File photo)
Cebu Gover­nor Gwendolyn Garcia. (File photo)

Gitugotan na sa Hunta Probinsyal si Cebu Gover­nor Gwendolyn Garcia nga mosulod og usufruct agreement tali sa Bureau of Treasury (BOT 7) alang sa pagpagamit sa luna niini sa Sudlon, Brgy. Lahug, dakbayan sa Sugbo.

Ang maong resolution nga gipangamahanan ni Bokal John Ismael Borgonia sa tersero distrito gipasar sa Hunta Probinsyal atol sa regular session niini.

Subay niini, ang Bureau of Treasury tugotan nga moga­mit sa 1,000 square meter nga bahin sa Lot 1060 sa Probinsya sa Sugbo nga nahimutang sa sityo Sudlon.

Una na nga nagkanayon ang Kapitolyo nga aduna kini’y kausaban nga himuon sa terms ug conditions sa deed of usufruct nga gihimo sa Probinsya sa Sugbo tali sa BOT 7 alang sa pagpagamit sa luna niini.

Sa usufruct agreement nga gihimo sa miaging administrasyon sa Kapitolyo ug BOT, ang maong mga ahensya gitugotan nga mogamit sa provincial lot sulod sa 50 tuig.

Apan sa gihimong kausaban, gi-adjust na lang sa 25 ka mga tuig ang pagpagamit sa luna apan renewable og laing 25 ka mga tuig subay sa agreement sa duha ka mga habig. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph