NASAKMIT ang 4.6 ka kilos nga gidudahang shabu nga mubalor ug 30 milyones pesos sa usa ka buybust operation didto sa C. Padilla Street, Barangay Duljo Fatima, dakbayan sa Sugbo, atong Biyernes sa gabii, Marso 8.
Nadakpan sa maong operasyon ang gidudahang namaligya sa mga binultong shabu nga si Rayven Bardon Gonza, 20 anyos, ug residente sa maong dapit.
Mga operatiba sa Drug Enforcement Unit (DEU) sa Mambaling Police Station maoy nangulo sa maong operasyon.
Pero bisag nadakpan na siya sa mga pulis, gihimakak ni Gonza nga siya maoy tag-iya sa mga nasakmit nga drogas. (JKV/ Alan Tangcawan)