GMA mihakot og Gold, Silver, ug Bronze Medals sa 2022 New York Festivals

Nag-unang broadcast station GMA Network nagdala og laing garbo sa nasod human nihakot og upat ka world medals gikan sa 2022 New York Festivals TV & Film Awards, uban sa The Atom Araullo Specials nga nikuha og Gold Medal.

Ang GMA maoy bugtong awardee gikan sa Pilipinas ning tuiga.

“Munting Bisig (Young Arms),” ang winning entry gikan sa GMA Public Affairs program, nipukan sa ubang tampo gikan sa nagkalainlaing nasod sa Documentary: Social Issues category.

Ang episode nagtutok sa kinabuhi sa mga bata nga nagtrabaho taliwala sa global pandemic.

Ang host nga si Atom Araullo nagsunod sa kinabuhi sa mga bata nga nagbutang sa risgo sa ilang kaugalingon aron pagtabang sa ilang pamilya bisan sa hulga nga matakboyan sa Covid-19 virus.

Nakakuha og Silver Medal sa Entertainment Special: Variety Special category mao ang “Limitless: A Musical Trilogy.”

Gi-produce sa GMA Synergy, ang Limitless usa ka three-part online musical headlined sa Asia’s Limitless Star Julie Anne San Jose.

Ang highly successful online concert nag-feature sa musical journey ni Julie, nagsugod sa “Breathe,” diin nibiyahe siya sa Mindanao, ug gisundan sa “Heal,” diin gikuha sa Visayas.

Niadtong Abril 9, si Julie nipakita sa tibuok kalibotan nga ang tanan ‘Rise’ ug mohangop sa ‘new self’ atol sa third ug final leg sa “Limitless: A Musical Trilogy.”

Ang Kapuso Mo, Jessica Soho (KMJS), ang most-watched public affairs program sa Philippine TV ug most followed Philippine TV program sa Facebook, nikuha og Bronze medal alang sa “Bestida ni Ranelyn (Ranelyn’s Dress).”

Ang long-running public affairs program I-Witness nikuha og award sa iyang duha ka episodes nga short-listed entries.

Ang Atom Araullo’s documentary “Koronang Tinik (Crown of Thorns)” nikuha og Bronze medal sa Documentary: Climate Change & Sustainability category.

Bahin kini sa iyang pag-imbestigar sa kalit nga pagsaka sa dap-ag o crown of thorns sa katubigan sa Jose Panganiban sa Camarines Norte.

Laing I-Witness documentary, “Virus Hunters” ni Sandra Aguinaldo, nikuha og Finalist Certificate ubos sa Documentary: Science & Technology category.

Ang New York Festivals TV & Film Awards naghatag og pasidungog sa content ug porma nga gigamit gikan sa kapin sa 50 ka mga nasod sa kalibotan. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph