USA ka Japanese diving instructor ang nawagtangan og panimuot samtang nag-deep-diving sa kadagatan sa may Nalusuan Island sa Dakbayan sa Lapu-Lapu Dominggo, Hunyo 1, 2019.
Naila ang hapon nga si Takomi Shiraize, kapin 30 anyos, tag-iya sa Aquarius Dive Shop sa Maribago, Dakbayan sa Lapu-Lapu. Si Takomi usa ka istructor sa Professional Association of Diving Instructors (PADI).
Base sa inisyal nga pamahayag sa Lapu-Lapu City Disaster Risk Reduction Management Office (CDRRMO) officer Andy Berame, alas 11 sa buntag nipahigayon og scuba diving ang Japanese national sa Nalusuan Island.
Human ang 70 minutos nga pagtidlom sa dagat, bugtong ang biktima kinsa uban sa mga laing Japanese divers, ang wala na mohaw-as hinungdan nga gipangita.
Dali-daling gi-rescue sa sakop sa CDRRMO si Shiraize ug gidagan sa pinakaduol nga tambalanan.
Duha ka anggulo ang gitan-aw ni Berame bahin sa insidente, posibleng nahutdan sa nitrogen ang iyang gisul-ob nga tanke o aduna kini problema daan sa iyang panglawas. (FVQ)
(Ang kini nga balita nag-update pa. Mahimong i-refresh ang page alang sa dugang nga detalye.)