SI PRESIDENTE Rodrigo Duterte nipahibawo sa Biyernes, Septiyembre 6, nga ang permanent housing projects sa mga biktima sa 2018 Naga landslide, bagyong Sendong sa 2011 ug gubat sa 2013 sa Zamboanga City himuong libre.
Si Duterte nipahibawo niini atol sa groundbreaking ceremony ug time capsule laying sa Naga permanent housing project sa Cebu, hapit na motangkod og usa ka tuig sukad sa landslide nga nikutlo og 80 ka mga kinabuhi.
Sa iyang pagpamulong atol sa kalihukan, si Duterte nimando sa National Housing Authority (NHA) sa paghatag sa housing units sa Naga permanent housing project isip “regalo” sa mga landslide victim.
“This event is a fulfillment of our promise to provide an affordable and sustainable resettlement site for the victims of the landslide that happen here in September last year. That unfortunate incident, which affected five barangays, claimed 100 lives, and displaced almost 2,000 families, was a wakeup call for all of us,” matod sa Presidente. (SunStar Philippines)