Nagkahiusa ang tanang departamento nga naglangkob sa Metropolitan Cebu Water District (MCWD) pagsuporta sa ilang Board of Directors (BOD).
Sa kasamtangan, ang BOD uban sa top management, middle management, union ug workforce, nilig-on pa ang ilang panaghiusa ug pagpaningkamot ang mapakunhod ang non-revenue water, pag-diskobre og bag-ong tinubdan sa tubig ug pag-apil sa pagpanalipod sa kinaiyahan pinaagi sa episyenteng pagdumala sa septage.
Gihulagway nga ang maong paningkamot sa walay duhaduha maoy makapauswag sa serbisyo sa MCWD ngadto sa ilang mga konsumidor samtang nagsiguro sa pagpreserbar sa kinaiyahan.
Ang nipakita sa ilang suporta mao silang general manager Edgar Donoso, Christine Caballes, presidente sa association of MCWD Managers, Engr. Joseph Caballes, presidente, Samuel Suson, presidente sa MCWD employees union ug Daniel Lim, presidente sa non-regular manpower resources association.