Ang Police Station 7 o Inayawan Police Station, ang gideklarar isip Outstanding Cebu City Police Office (CCPO) Advisory Group sa 2023.
Kini atol sa 7th CCPO Advisory Group Summit sa Marco Polo Plaza, dakbayan sa Sugbo niadtong Hulyo 29, 2023.
Nalangkat usab sa Inayawan Police Station ang Best in Talent pinaagi ni Sheila Gravinez sa mga pasundayag sa mga talento ug Most Creative Male nga si Elvin Bilbao, pulos mga miyembro sa advisory group sa maong estasyonan.
Samtang, ang Police Station 3 o Waterfront Police Station, ang 1st placer, nagsunod sa Inayawan Police Station ug 2nd placer ang Police Station 5 o Carbon Police Station.
Atol usab sa kalihokan, nanumpa ang bag-ong mga miyembro sa lainlaing advisory groups sa mga estasyonan sa kapulisan nga sakop sa CCPO.
Sa samang kalihokan, gipresentar usab sa advisory groups gikan sa Stations 1-11, apil na sa City Mobile Force Company (CMFC), ang ilang hiniusang mga paningkamot ug outstanding contributions sa komunidad diin sila nahisakop.
Nitambong sa summit si Cebu City Councilor Joel Garganera, kanhi chairperson sa City Advisory Group for Police Transformation and Development (CAGPTD), PLtCol. Conrado Manatad, officer-in charge sa CCPO, station commanders, force commander sa CMFC, ug mga miyembro sa CAGPTD pinangulohan sa ilang chairperson si Marlinda Angbetic Tan.
Ang tinuig nga summit nagsilbi nga testamento sa gahum sa kahiusahan, kooperasyon, commitment ug passion sa way puas nga pagpangalagad. / PR