ANG defense ministers sa Japan ug Pilipinas nagkasabot sa Huwebes, Abril 7, sa pagpalig-on sa security cooperation ug pagpalapad sa joint drills sa pwersa tali sa duha ka mga nasod tungod sa kabalaka sa nagkaagresibo nga aksiyon sa militar sa China sa rehiyon.
Si Japanese Defense Minister Nobuo Kishi ug ang iyang katugbang sa Pilipinas nga si Delfin Lorenzana pulos ningpadayag sa ilang kabalaka bahin sa pag-ataki sa Russia sa Ukraine ug ang iyang epekto sa Indo-Pacific, ug nagkasabot nga ang bisan unsang pagsuway sa pag-usab sa status quo pinaagi sa pwersa dili kini madawat, sumala usab sa pamahayag sa Defense Ministry sa Japan nga wala mohingalan sa China.
Ang Japan nipalapad sa ilang joint drills tali sa United States ug ubang partners, naglakip sa Australia, India, France, Britain ug Germany, kinsa ningpadayag usab sa kabalaka bahin sa pag-angkon sa China sa pipila ka bahin sa rehiyon ug pipila sa busiest sea lanes sa kalibotan.
Ang Japan nagpakabana sa Chinese military ug coast guard activity sa East China Sea duol sa Japanese-controlled Senkaku islands, diin giangkon sa China ug nitawag niini nga Diaoyu.
Kagahapon, ang Japan’s Defense Ministry nagkanayon nga ilang nasigpatan ang Chinese Y-9 electronic warfare aircraft nga naglupad sa kawanangan sa Sakishima islands.
Sila si Kishi ug Lorenzana nagkasabot sa pagpaumento sa kooperasyon sa defense equipment ug technology transfer tali sa duha ka mga nasod.
Ang Tokyo ug Manila nagkasabot sa 2020 bahin sa Japanese export sa air radar systems alang sa Philippine military.
Sa Japan, ang Pilipinas naa sa importanteng lugar sa nagkataas nga impluwensiya sa China. (AP)